Жұмысшы мамандықтар жылы аясында 2025 жылғы 5 мамырда Павлодар сервис және тамақтану колледжінің базасында "Отель-ресепшионист" құзыреттілігі бойынша "WorldSkills Pavlodar-2025" өңірлік чемпионаты өтті.
Бұл іс-шараның мақсаты кәсіптік-техникалық білім беруді дамыту және жұмысшы кәсіптерінің мәртебесін ілгерілету, бүкіл өңір бойынша студенттердің жеке кәсіптік тәжірибесін қалыптастыру болып табылады.
Іс-шаралар барысында конкурсанттар қонақ үйде болу кезінде қонақтарды орналастыру және оларға қызмет көрсету, ағылшын, мемлекеттік тілдерде туристік ақпарат беру бойынша өздерінің дағдылары мен икемдерін көрсетті. Ресепшионист жұмысының маңызды аспектісі-кез-келген жағдайда шешім қабылдау жолдарын табу мүмкіндігі.
